Bharrat got problems. Production gun decline because nobody got time fuh wuk. In any case dem claim that dem don’t get de kind of pay that dem deserve. Sun dem decide that dem gun spend de time watching football.Already,Bill Lee Jersey, some of dem Ministers send out circular fuh remove de TV from dem office. One of dem Minister actually try fuh carry out de order. He deh in hospital. He get cuff in he eye.Dem boys seh that when he get cuff de Minister lock up in he office and tell de staff fuh go to meet wid de people at OP because is dem hand down de instruction.But peoples till remember wha happen to Benschop suh dem wouldn’t try to go n numbers to OP but dem safeguarding de TV.And while people looking after de TV some Ministers wondering wha dem gun tell Bharrat. Dem know that dem man don’t like disobedience. He send home Khurshid till he apologise.Dem boys seh that he give Khurshid instructions to stop de corruption at GRA and de man ignore he because de staff thiefing like it going out of style.Talk half. Lef half.